ப்ளாக்கர் டொமைனை புதுப்பிப்பது எப்படி?

பிளாக்கரில் டொமைன் வாங்குவது எப்படி? என்ற பதிவில் கூகுள் மூலம் Custom Domain வாங்குவது பற்றி பார்த்தோம் அல்லவா? அது ஒரு வருடத்திற்கு மட்டும் தான். அதற்குள் புதுப்பிக்கவில்லை என்றால் உங்கள் டொமைன் காலாவதி ஆகிவிடும். தற்போது அதனை புதுப்பிப்பது பற்றி பார்ப்போம்.

உங்கள் டொமைன் முடிவதற்கு ஒரு மாதத்திற்கு முன்பு இது பற்றி கூகுள் மின்னஞ்சல் அனுப்பிவிடும். அதிலேயே Domain Renew செய்வதற்கான லிங்க் இருக்கும்.

அந்த முகவரி https://www.google.com/a/cpanel/domain/renew-domain/techminar.com என்பது போல இருக்கும். அதை கிளிக் செய்தால் Google Wallet மூலம் பணம் கட்டும் பக்கத்திற்கு செல்லும்.

ஒரு வருடத்திற்கான கட்டணம் 10 அமெரிக்க டாலர் என்று குறிப்பிட்டிருக்கும். அதில் ஏற்கனவே நீங்கள் பதிவு செய்திருந்த Debit Card அல்லது Credit Card இருக்கும். அதன் மூலம் பணம் கட்டலாம். அல்லது வேறு கார்ட் மூலம் பணம் கட்டலாம். விவரங்களை சரி பார்த்த பிறகு Place Order Now என்பதை கிளிக் செய்யுங்கள்.

சில நொடிகளுக்கு பிறகு உங்கள் டொமைன் ஒரு வருடத்திற்கு நீட்டிக்கப்பட்டுள்ளது என்று சொல்லும். அவ்வளவு தான்.

கூகுள் மின்னஞ்சல் அனுப்புவதற்கு முன்பாகவே Renew செய்ய முடியாது என்று நினைக்கிறேன். மேலும் நீங்கள் ஒரு வருடத்திற்கு மட்டும் தான் நீட்டிக்க முடியும்.

ஒரு வேளை உங்கள் டொமைன் காலாவதியாகிவிட்டால், Blogger Dashboard => Settings => Basic பகுதிக்கு சென்று, அங்கே Publishing என்ற இடத்தில் உள்ள Custom Domain-ஐ நீக்கிவிடுங்கள். ஆனால் இதனால் உங்கள் தளத்தின் தேடுபொறிகளின் மதிப்பையும், சில வாசகர்களையும் இழக்கநேரிடும்.